Home Labaru Zaben Kaduna: Isa Ashiru Ya Na Kalubalantar Nasarar APC A Kotu

Zaben Kaduna: Isa Ashiru Ya Na Kalubalantar Nasarar APC A Kotu

444
0
Isa Ashiru Kudan, Dan Takarar Kujerar Gwamnan Jihar Kaduna Na jam’iyyar PDP
Isa Ashiru Kudan, Dan Takarar Kujerar Gwamnan Jihar Kaduna Na jam’iyyar PDP

Dan takarar kujerar gwamnan jihar Kaduna na jam’iyyar PDP Isa Ashiru Kudan, ya ce ya na nan a kan bakan sa na karbo ‘yancin nasarar sa a kotun sauraren kararrakin zabe.

Isa Ashiru dai bai yi na’am da sakamakon zaben da aka yi a jihar Kaduna ba, don haka ya garzaya kotu, ya na mai tabbatar wa Magoya bayan sa cewa yanzu haka su na kotu, kuma za su samu nasara a kan jam’iyyar APC.

Haka kuma, Isah Ashiru Kudan ya yi godiya, tare da jinjina wa magoya bayan sa a kan gudunmuwar da su ke badawa.

Ya ce yanzu haka magana ta fara nisa a gaban kotun sauraren kararrakin zabe, inda ya ke sa ran karbe nasarar da ya samu a zaben, inda ya ce ba zai amince da sakamakon zaben ba, ya na mai ikirarin cewa shi ne ya yi nasara amma jam’iyyar APC ta murde ma shi.