
Rundunar sojin kasa ta Najeriya ta bukaci al’ummomin yankin kudu maso gabashin Najeriya kada su razana da yawaitar zirga-zirgar jami’anta, ababen hawa da kuma makamanta a yankin na tsawon mako guda.

Mataimakin jami’in yada labarai da hulda da jama’a na runduna ta 82 Kanar Aliyu Yusuf , ya furta hakan a cikin wata sanarwa da rundunar ta fitar yau a Enugu.
Yusuf, ya ce akwai wani atisaye na tsawon mako guda da jami’an sojin za su gudanar a yankin a kokarin da suke na magance matsalar tsaro a fadin Najeriya.
Ya ce dukkanin atisayen za a gudanar dasu ne a yankin Enugu, sai kuma atisayen harbe-harbe da za a gudanar a sansanin soji dake Owerri a jihar Imo.













































