Home Labaru Maslaha: Majalisa Na Son A Daina Ƙayyade Shekarun Neman Aikin Gwamnati

Maslaha: Majalisa Na Son A Daina Ƙayyade Shekarun Neman Aikin Gwamnati

315
0
Kasafin 2020: ‘Yan Majalisa Za Su Koma Hutun Domin Yi Wa Kasafin 2020 Kwaskwarima
Kasafin 2020: ‘Yan Majalisa Za Su Koma Hutun Domin Yi Wa Kasafin 2020 Kwaskwarima

Majalisar Dattawa ta nemi Shugaba Muhammadu Buhari ya umarci Ma’aikatar Ƙwadago ta kafa kwamitin da zai duba daina amfani da ƙayyade shekarun neman aiki a Nijeriya, biyo bayan ƙudirin da Sanata Ibrahim Gobir ya gabatar.

Sanata Ibrahim Gobir

Sanata Ibrahim Gobir, ya ce ‘yan Nijeriya da dama su na rage yawan shekarun su na haihuwa a ƙoƙarin su na shiga cikin rukunin waɗanda za a ɗauka aiki.

Ya ce duk lokacin da mutum ya san cewa ba za a ɗauke shi aiki ba to zai bi wasu hanyoyi da ba su dace ba, lamarin da ke janyo ƙaruwar aikata laifuffuka da kuma rashin tsaro a ƙasar nan.

Shugaban Majalisar Dattawa Sanata Ahmad Lawan, ya yi Allah-wadai da yadda ake nuna ma wasu masu neman aiki wariya saboda shekarun su,kuma babu laifin da su ka aikata da zai sa a nuna masu wariya.