Kotun ɗaukaka ƙara a Abuja ta soke hukuncin babbar kotun da ke zama a jihar Rivers,
wanda ya kori Martin Amaewhule da wasu mutum 24 daga majalisar dokokin jihar.
Kotun, wadda alaƙalan ta uku suka yanke hukunci, ta ce ƙaramar kotun ba ta da hurumin yanke hukuncin.
Kotun ta bayyana cewa sashe na 271(3) na kundin tsarin mulkin ƙasa ya ba babbar kotun tarayya ikon tantance ko za a ayyana kujerar ɗan majalisa a matsayin fanko.
A cewar kotun, ikon da kundin tsarin mulkin ƙasa ya bayar bai shafi manyan kotunan jihohi ba.
Kotun ɗaukaka ƙarar ta yanke cewa an soke hukuncin korar da aka yi ba tare da wata hujja ba.
