Home Labaru Kiwon Lafiya Iftila’i: Gobara Ta Tashi A Kasuwar Katangowa Da Ke Lagas

Iftila’i: Gobara Ta Tashi A Kasuwar Katangowa Da Ke Lagas

266
0

Wata gobara da ta tashi a kasuwar kayan gwanjo da aka fi sani da Katangowa da ke Legas ta lakume shaguna da dama a kasuwar.

Kasuwar na yankin karamar hukumar Agbado Okeodo, ne hanyar babban titin Legas zuwa Abekuta.

Mazauna yankin sun ce gobarar ta tashi ne cikin dare, sannan ta lakume shagunan kayayyakin gwanjo masu yawan gaske.

A halin da ake ciki dai jami’an hukumar kashe gobara da na hukumar bayar da agajin gaggawa na jihar Legas sun isa kasuwar domin shawo kan gobarar, inda su kuma ‘yan sanda suka dage wajen hana sace kayan mutane.