Ibtila’i: Gobara Ta Kone Rumfuna 100 A Kasuwar Shagamu Da Ke Jihar Ogun

Akalla shaguna 100 ne su ka kone sakamakon gobarar da ta tashi a kasuwar Shagamu da ke jihar Ogun.

Gobarar dai ta tashi ne a tsakar dare daga layin masu saida tufafi sannan ta yadu zuwa wasu sassan kasuwar kamar yadda rahotanni su ka ruwaito.

Shugabannin kungiyoyin masu ruwan leda da kayan sha a kasuwar Remo zone da Adetola Soyemi, sun shaida wa manema labarai cewa sama da shaguna 100 ne su ka salwanta a gobarar.

Jami’an biyu, sun yi zargin gobarar ta tashi ne sakamakon matsalar wutar lantarki, sai dai ba za a iya tabbatar da gasikyar hakan ba.