Home Labaru Dubu Ta Cika: Sojoji Sun Gano Maboyar Miyagu A Jihohin Kaduna Da...

Dubu Ta Cika: Sojoji Sun Gano Maboyar Miyagu A Jihohin Kaduna Da Imo

674
0

Sojojin Nijeriya sun tabbatar da cewa, Jami’an su sun kai wani hari a wuraren da Miyagun da su ka addabi jama’a ke boye a jihohin Kaduna da Imo.

Wani babban Jami’in yada labarai na rundunar Sojin kasa Kanar Aminu Iliyasu, ya ce Dakarun Runduna ta 342 sun kai samame a inda wasu Miyagu su ke boye.

Aminu Iliyasu, ya ce Dakarun sun afka wa wadanda ake zargin su na garkuwa da mutane ne a Garin Ihie da ke cikin karamar hukumar Ohaji/Egbema a jihar Imo aka kama mutane biyu.

Sojojin dai sun samu mutanen da kananan bindigogin gida da kwamson harsasan da babu komai a ciki.

Haka kuma, Sojojin sun dira karamar hukumar Jama’a ta jihar kaduna, inda a nan ma sun kama mutane biyu da ake zargi, wadanda su ma aka same su da kananan bindigogi da manyan harsasai.