Home Labaru Bikin Rantsar Da Buhari: Za A Tabbatar Da Tsaro Ga Shugabannin Ketare...

Bikin Rantsar Da Buhari: Za A Tabbatar Da Tsaro Ga Shugabannin Ketare Lai Mohammed

247
0
Lai Mohammed, Ministan Labarai Da Al’adu

Gwamnatin tarayya, ta ba shugabannin kasashen duniya tabbacin ba su tsaro a lokacin a ranakun 29 ga watan Mayu da 12 ga watan Yuni na shekara ta 2019.

Ministan Labarai da Al’adu Lai Mohammed ya bayyana wa manema labarai haka a Abuja.

Ya ce Nijeriya za ta ba kowane shugaban kasa da zai zo bikin rantsar da shugaba Muhammadu Buhari da mataimakin sa Farfesa Yemi Osinbajo tsaro a ranar 29 ga watan Mayu.

Lai Mohammed ya kara da cewa, gwamnatin tarayya ta bayyana 29 ga watan Mayu da 12 ga watan Yuni a matsayin ranakun hutu. Wannan sanarwa dai ta biyo bayan bikin rantsar da shugaba kasa Muhammadu Buhari da za a yi karo na biyu, yayin da Nijeriya ke fama da gagarumar matsalar tsaro a kowane lungu da sako.