Home Labaru Abduljabbar Kabara: Abin Da Wasiƙar Wasu Iyalan Sheikh Nasiru Ga Buhari Ta...

Abduljabbar Kabara: Abin Da Wasiƙar Wasu Iyalan Sheikh Nasiru Ga Buhari Ta Ƙunsa

7
0

Wasu daga cikin iyalan shugaban ɗariƙar Ƙadiriyya ta Afirka Sheikh Nasiru Kabara, sun kai ƙarar wasu malaman jihar Kano wajen Shugaba Muhammadu Buhari a kan lamarin da ya shafi Sheikh Abduljabbar.

Wannan dai ya na ƙunshe ne a cikin wata wasiƙa da su ka rubuta wa shugaban ƙasa, mai ɗauke da sa hannun ɗaya daga cikin su Sheikh Sidi Musal Qasuyuni Nasir Kabara.

A cikin wasiƙari, mutanen sun buƙaci shugaba Buhari ya yi ƙoƙarin dakatar da duk wata muzgunawa da rashin adalcin da su ka ce an shirya yi wa ɗan’uwan su.

Sai dai a jerin sunayen wadanda su ka rubuta wasiƙar babu sunan babban ɗan Sheikh Nasiru Kabara, wanda shi ne shugaban Ƙadiriyyar a halin yanzu Sheikh Ƙaribullah Kabara.

Mutanen, sun kuma buƙaci Shugaba Buhari ya sa baki a saki Sheikh Abduljabbar, wanda yanzu haka ke tsare bisa tuhumar sa da yin ɓatanci ga Manzon Allah (S.A.W.).