Home Labaru Zimbabuwe: Shugaba Ramaphosa Ya Sha Ihu Kan Kin Jinin Baki

Zimbabuwe: Shugaba Ramaphosa Ya Sha Ihu Kan Kin Jinin Baki

150
0
Cyril Ramaphosa, Shugaban Kasar Afrika Ta Kudu
Cyril Ramaphosa, Shugaban Kasar Afrika Ta Kudu

Shugaban kasar Afrika ta Kudu Cyril Ramaphosa ya sha ihu a yayin da ya shirya yin jawabi a jana’izar tsohon shugaban kasar Zimbabuwe Robert Mugabe a birnin Harare.

Ba shiri dai Shugaba Cyril Ramaphosa ya sauya jawabin girmama marigayin ya zuwa na neman afuwar jama’a da suka ki yin shiru har sai da ya nemi gafara kan rikicin kin jinin baki da ya salwantar da rayuka da kuma dukiya a kasar sa ta Afirka ta Kudu.

Ramaphosa ya sha suka kan yadda ya gagara shawo kan rikicin na kin jinin duk wanda ba dan kasar ba, inda daga bisani an shawo kan jama’a aka ci gaba da gudanar da taron bankwana kamar yadda aka tsara tun daga farko.

Robert  Mugabe, ya mutu ne a makon da ya gabata ya na da shekaru 95 bayan fama da jinya a wani asibiti da ke a kasar Singapore.