Home Labaru Wata Sabuwa: Kotu Ta Janye Belin Abdulrasheed Maina

Wata Sabuwa: Kotu Ta Janye Belin Abdulrasheed Maina

32
0
EFCC Ta Kara Kwace Kadarori Na Makuden Kudade Mallakin Maina
EFCC Ta Kara Kwace Kadarori Na Makuden Kudade Mallakin Maina

Wata babbar kotun tarayya da ke Abuja, ta bada umarnin janye belin tsohon shugaban kwamitin gyaran fanshon ma’aikata Abdulrasheed Maina.

A hukuncin da alkalin kotun mai shari’a Okong Abang ya zartar, ya bada umarnin a sake kamo Abdulrasheed Maina ‘duk inda aka gan shi. 

Lauyan hukumar EFCC Mohammed Abubakar, ya ce an bada belin Maina a kan naira miliyan 500 da kuma mai tsaya ma shi, wanda dole ya kasance Sanata mai ci da zai ajiye naira miliyan 500 a kotu.

Hukumar EFCC dai ta gurfanar da Maina a gaban kotu bisa tuhume-tuhume goma sha biyu da wani kamfani mai suna ‘Common Input Properties & Investment Limited’.

Bayan ta ba hukumomin tsaro izinin kamo shi, kotun ta ba hukumar EFCC damar gurfanar da Maina tare da tuhumar shi a kebance.

Kotun, ta ce za a saka kudin da mai belin shi ya biya a aljihun gwamnatin tarayya, saboda saba ka’ida da sharuddan da aka bada belin Maina a kan su.