Home Labaru Tsaro: Sojoji Sun Sami Nasara Akan ‘Yan Bindiga A Katsina

Tsaro: Sojoji Sun Sami Nasara Akan ‘Yan Bindiga A Katsina

221
0

Jami’an rundunar atisayen Accord sun kashe wasu ƴan bindiga, tare da kama wasu da ake zargi da kuma kwace makamai a Jihar Katsina.

Lokacin misayar wutar, an kasha uku daga cikin ƴan bindigar, inda wasu daga cikinsu suka tsere da munanan raunuka sanadiyyar harbin bindiga.

An samu nasarar ƙwato  bindigogi ƙirar AK47 guda 3 lokacin da aka yi misayar wuta daga hannun miyagun. Rundunar, ta ce tana kokari wajen ganin ta magance muggan laifuka a arewa maso yamma na Najeriya.