Home Labaru Tsaro: Rundunar Soji Ta Ce Dakarunta Sun Yi Nasarar Hallaka ‘Yan Fashi...

Tsaro: Rundunar Soji Ta Ce Dakarunta Sun Yi Nasarar Hallaka ‘Yan Fashi Aƙalla 82

155
0
Dakarun Sojin Najeriya Sun Hallaka Yan Bindiga 70 A Kaduna
Dakarun Sojin Najeriya Sun Hallaka Yan Bindiga 70 A Kaduna

Rundunar sojin kasa ta ce dakarunta sun yi nasarar halaka ‘yan fashi aƙalla 82 a jihohin Katsina da Zamfara

Rundunar musamman ta Operation Hadarin Daji ce ta kai hare-hare ta sama a Birnin Kogo da ke Katsina da kuma Dajin Ajjah na Jihar Zamfara.

Birgediya Janar John Enenche shine ya bayyana hakan a wata sanarwa da ya fitar a jiya Laraba, yana mai cewa ‘yan fashin na ɗauke da manyan makamai ciki har da makamin harbo jirgin sama.

Ya ce an kashe 67 a Birnin Kogo sannan aka halaka 15 a Dajin Ajjah kuma nasarar ta samu ne sakamakon bayanan sirri da suka samu.