Home Labaru Rashin Jituwa: Yaran Yan Bindiga Sun Juya Ma Jagoransu Baya

Rashin Jituwa: Yaran Yan Bindiga Sun Juya Ma Jagoransu Baya

816
0
Al’ummar Wasu Kauyuka A Zamfara Sun Koka Kan Hare-Haren ‘Yan Bindiga
Al’ummar Wasu Kauyuka A Zamfara Sun Koka Kan Hare-Haren ‘Yan Bindiga

Wasu rahotanni sun tabbatar da mutuwar wani kasurgumin dan bindiga mai garkuwa da mutane a jahar Katsina mai suna Abdulhadi Dan Nashe.

Rahotannin sun  bayyana cewa Dan-Nashe ya gamu da ajalinsa ne a hannun yaransa bayan sun yi masa bore, sun juya masa baya sakamakon wata rashin fahimta da aka samu a tsakanin su.

Rashin fahimta da ya kunno kai a tsakanin ‘yan-bindigan baya rasa nasaba da wata tirka-tirka da ta taso tsakanin Dan-Nashe da matarsa, wanda ita kan kanwa ce ga wani shugaban yan bindiga, mai suna Dangote.

Rahotanni sun bayyana cewa wasu ‘yan-bindiga dake biyayya ga Dangote ne suka kai samame gidan Dan-Nashe, inda suka kashe shi.

Shi dai Dan-Nashe ya yi kaurin suna wajen satar mutane, shirya hare hare da kuma ciniki da fataucin miyagun makamai.