Home Labaru Rashi: Tsohon Ma’aikacin Sashen Hausa Na Amurka Ladan Ibrahim Ayawa Ya Rasu

Rashi: Tsohon Ma’aikacin Sashen Hausa Na Amurka Ladan Ibrahim Ayawa Ya Rasu

252
0

Tsohon ma’aikacin Sashen Hausa na muryar Amurka Ladan Ibrahim Ayawa ya rasu a asibitin George Washington dake birnin Washington, DC, bayan gajerar jinya.

Kafin rasuwarshi, Ladan Ibrahim Ayawa, ya yi aiki da Muryar Amurka na tsawon shekaru da dama, inda ya fara a matsayin wakili da ke dauko rahotanni a birnin Lagos, kafin a dauke shi aiki a shelkwatar Sashen Hausa a Washington.

Marigayi Ladan Ibrahim Ayawa wanda haifaffen jihar Naija ne, kwararren dan jarida ne wanda kafin aiki da Muryar Amurka, ya kuma yi aiki da Radio Nigeria.

Daga cikin fitattun shirye shiryen da Ladan ya gabatar akwai shirin Himma bata ga rago, shirin da ke hira da ‘yan asalin kasar Afrika dake zaune a kasashen ketare.

Ladan Ayawa ya kuma gabatar da shirin da ke haska fitila kan harkokin zabe a kasashen duniya musamman kasashe masu tasowa inda ake yawan zargin magudi.

Ladan ya rasu ya bar mata daya da kuma ‘ya’ya uku,.

Yau ake kyautata zaton za a yi jana’izar shi a jihar Maryland bayan an yi mashi sallah a babban masallacin karamar Hukumar Prince Georges.