Home Labaru Naka Sai Naka: ‘Yan Majalisar Kudu Sun Yi Taro A Gidan Ekweremadu...

Naka Sai Naka: ‘Yan Majalisar Kudu Sun Yi Taro A Gidan Ekweremadu Kan Nnamdi Kanu

20
0
NNAMDI-KANU-AND-IPOB

‘Yan majalisar tarayya na yankin kudancin Nijeriya, sun kafa kwamiti da zai lalubo hanyoyin ceto shugaban kungiyar masu neman kafa kasar Biafra Nnamdi Kanu.

Bayanin haka ya na kunshe ne a cikin wata sanarwa da ‘yan majalisar su ka fitar, jim kadan bayan sun gudanar da taro a gidan tsohon mataimakin shugaban majalisar dattawa Sanata Ike Ekweremadu.

Sanarwar, mai dauke da sa hannun dukkan ‘yan majalisar, ta ce an yi taron ne domin tattaunawa a kan batun Nnamdi Kanu da yadda za a warware matsalar shi.

‘Yan majalisar, sun kuma yi Allah-Wadai da asarar rayyuka da dukiyoyi da hana rubuta jarrabawa a makarantun yankunan kudu maso gabas da sunan tilasta zaman gida da kungiyar IPOB ke yi.