Home Labaru Ilimi Iyayen Yara A Zamfara Sun Ce ‘Ya’Yan Su Sun Fara Manta Karatu

Iyayen Yara A Zamfara Sun Ce ‘Ya’Yan Su Sun Fara Manta Karatu

10
0

Iyayen yara a jihar Zamfara, sun yi kira ga gwamnati ta dubi yiwuwar bude makarantu domin hana dalibai ci-gaba da gararamba a kan tituna.

Makarantun firamare da na sakandare a jihar Zamfara dai sun kasance a rufe tsawon watanni biyu, a wani bangare na tsaurara matakan tsaro sakamakon hare-haren ‘yan bindiga.

Tun a ranar 1 ga watan Satumba na shekara ta 2021 ne, gwamna Matawalle ya sanar da rufe makarantun firamare da sakandare a fadin jihar Zamfara, biyo bayan zafafa kai hare-hare a makarantun.

Tuni dai wasu iyayen sun fara nuna fargaba a kan yadda babu wani bayani da ke fitowa daga bakin hukumomin jihar game da batun bude makarantun, duk kuwa da samun haske a yakin da ake yi da ‘yan bindigar.