Home Labaru Hadin Kai: Majalisar Mu Ta Sha Bamban Da Sauran Majalisu – Ahmed...

Hadin Kai: Majalisar Mu Ta Sha Bamban Da Sauran Majalisu – Ahmed Lawan

270
0
Sanata Ahmed Lawan, Shugaban Majalisar Dattawa
Sanata Ahmed Lawan, Shugaban Majalisar Dattawa

Shugaban majalisar dattawa Sanata Ahmed Lawan, ya yi bayani a game da abin da ya sa Sanatocin Nijeriya su ke aiki da juna duk da bambancin jam’iyyun siyasar su.

Ahmed Lawan ya yi jawabin ne a wajen wata liyafa da jami’ar tarayya ta Maiduguri ta shirya a karshen makon da ya gabata.

Sanatan ya cigaba da cewa, majalisar da ya ke jagoranta a yau ta na da bambanci da duk sauran majalisun da aka yi a baya, domin ba a la’akari da sabanin siyasa a wajen aiki.

Ya ce jama’a da dama ba su fahimci aikin majalisa ba, saboda ita ce ‘yar autar bangarorin gwamnati, ya na mai cewa burin su kawai shi ne a samar da tsaro da inganta tattalin arziki.

Sanatan ya kara da cewa, aikin su ne yin abin da ya kamata ba tare da nuna bambancin siyasa ba.