Home Labaru Dalilin Da Ya Sa Babu Dan Wasan Leicester Ademola Lookman Cikin ‘Yan...

Dalilin Da Ya Sa Babu Dan Wasan Leicester Ademola Lookman Cikin ‘Yan Wasan Super Eagles

33
0

Kungiyar ‘yan wasan Najeriya Super Eagles ta bayyana dalilin da ya sa ba a kira dan wasan Leicester City Ademola Lookman ba a cikin tawagar ‘yan wasan na Najeriya.

A makon da ya gabata kungiyar ta fitar da jerin ‘yan wasa 28 da za su wakilce ta a gasar cin kofin nahiyar Afirka ta AFCON da za a fara wannan wata a Kamaru.

Sai dai babu sunan Lookman a cikin, wanda dan wasan Leicester City ne a gasar Premier League ta Ingila, lamarin da ya janyo suka daga wasu ‘yan Najeriya.

Sai dai cikin wata sanarwa da ta fitar a karshen makon da ya gabata, Super Eagles ta ce har yanzu hukumar kwallon kafa ta FIFA ba ta kammala tantance dan wasan ba.