Home Labaru Akalla Alhazan Najeriya Tara Ne Su Ka Rasu A Saudiyya – NAHCON

Akalla Alhazan Najeriya Tara Ne Su Ka Rasu A Saudiyya – NAHCON

328
0
Kungiyar Kula Alhazan Najeriya Ta Kasa, NAHCON
Kungiyar Kula Alhazan Najeriya Ta Kasa, NAHCON

Jagoran sashen kula da kiwon lafiya na hukumar alhazai ta Nijeriya Ibrahim Kana, ya ce adadin yawan alhazan Nijeriya da su ka rasu a kasar Saudiyya ya kai akalla mutane Tara.

Ibrahim Kana ya bayyana haka ne, yayin wata zantawa da ya yi da manema labarai a Mina, inda ya ce daga cikin mutanen da su ka rasu akwai wata mata daga jihar Legas.

Karanta Labaru Masu Alaka: NAHCON Ta Karrama Limamin Daya Ceci Kiristoci 300

Ya ce matar ta rasu ne bayan an kai ta asibitin Mina, sannan a lokacin ne su ka gane cewa hawan jinin ta ne ya tashi farat-daya.

Shugaban tawagar mahajjatan jihar Lagos Abdulateef Abdulkarim, ya ce sunan matar Folashade Lawal daga karamar hukumar Oshodi, kuma ta rasu ne da misalin karfe uku na Asuba a wajen jifar shaidan.