Maresca ya ce za a iya samun matsaloli idan kulob ɗin bai iya rage yawan manyan ƴan wasansa ba kafin a rufe kasuwar saye da sayar da ƴan wasa.
Blues ta ɗauko ƴan wasa 11 a wannan bazarar wanda ya sa adadin manyan ƴan wasan ƙungiyar ya kai sama da 40.
A farkon makon nan, Maresca ya ce ƴan wasan Ingila Raheem Sterling da Ben Chilwell na cikin rukunin ƴan wasa kusan 15 da aka ce su yi atisaye da tawagar matasan ƙungiyar.
Kocin ya ce babu wani koci a duniya da zai iya aiki tare da ƴan wasa 45 dan ba abu ne mai yiwuwa ba, ba za a iya yin hakan ba.
