Site icon Liberty TV/Radio Hausa – Labaru – Tashar 'Yanci!

Dokar Fetur: Yankunan Da Ake Haƙo Fetur Ba Su Cancanci Kason Fiye Da 3% Ba – Sylva

Timipre-Sylva1

Ƙaramin Ministan Man Fetur Timipre Sylva, ya ce Shugaba Muhammadu Buhari ya sa wa Dokar Inganta Fannin Man Fetur hannu ne don a gaggauta samun masu zuba jari.

Da ya ke amsa tambayoyin manema labarai a Abuja, Sylva ya ce a ranar Alhamis din nan, Shugaba Buhari zai yi bayani dalla-dalla a kan yadda dokar ta ke, da kuma duk abin da ya shige wa mutane duhu dangane da batun Rabon Arzikin Mai da ke ƙunshe a cikin dokar.

Da ya ke tsokaci dangane da al’ummar yankin Neja Delta, waɗanda su ka raina kashi 3 cikin 100 na rarar ribar fetur da ake haƙowa a yankin su, ministan ya ce bai ga abin tada jijiyar wuya a lamarin ba.

Ministan ya kara da cewa, daga yanzu fetur ne da kan sa zai riƙa yanka wa kan sa farashi a hannun ‘yan kasuwa.

Sai dai ya ce ba za a yi saurin fara amfani da sabuwar dokar ba tukunna, har sai an yi nazarin yadda za ta shafi talaka da kuma hanyoyin magance abin da zai iya biyo baya.

Exit mobile version