Shugaban kasa Muhammadu Buhari ya amince da nadin Muhammad M. Nami a matsayin shugaban hukumar tara kudaden shiga na kasa FIRS.
Rahotannin sun ce, Nami zai maye gurbin Tunde Fowler ne wanda wa’adin mulkin sa ya kare a ranar Litinin da ta gabata.
Muhammad M. Nami kwararre ne a bangaren harkokin haraji, kuma ya kammala karatun sa ne a jami’ar Ahmadu Bello da ke Zaria.
Mai magana da yawun shugaban kasa malam Garba Shehu ya fitar da wata takarda da ke cewa, Muhammad kwararre ne a bangaren haraji da kididdiga da kuma lissafi, sannan gogagge ne a sha’anin shugabanci.
Garba Shehu ya ce, Muhammad ya kuma mallaki lasisin aiki acibiyoyi daban-daban kuma
ya yi a kalla cikin su har na tsawon shekaru 30, sannan ya yi aiki a cibiyoyin
gwamnati da wanda ba na gwamnati ba, matakin da ya sa shugaban kasa Buhari ya
aminta da hadin shi a matsayin shugaban hukumar tara vkudademn shina na kasa
FIRS.