Gwamnatin tarayya ta bada izinin gina layin dogo irin na zamani daga Ibadan zuwa Kano a kan kudi dala miliyan dubu 5 da miliyan dari 3.
Ministan sufuri Rotimi Amaechi, ya tabbatar da aikin a lokacin da ya ke bayyana kudirin gwamnatin tarayya na inganta bangaren sufuri a Nijeriya. Rotimi Amaechi, ya ce bayan wannan muhimmin aiki, a kwai batun fara aikin gina layin dogon daga garin Fatakwal zuwa Warri, domin inganta harkokin kasuwanci a Nijeriya.