‘Yancin Dan Adam: Aisha Buhari Ta Ce Za Ta Jagoranci Yaki Da Cin Zarafin Mata

Uwargidan Shugaban kasa A’isha Buhari, ta ce za ta jagoranci sauran matan gwamnoni wajen yaki da cin zarafin mata da kananan yara a arewacin Nijeriya.

A wasu sakonni da ta wallafa a shafin ta na Twitter, A’isha Buhari yi kira ga maza da mata da kananan yara su yaki duk wani nau’i na cin zarafi.

A’isha Buhari, ta kuma wallafa wani bidiyo a Twiiter, wanda ke nuna matan gwamnonin arewa su na bada bayanai a kan cin zarafin mata da kuma zaburar da mutane a kan su guji cin zarafin mata.