Kasar Saudiyya ta gabatar da kyautar Ton 50 na dabino mai inganci ga Nijeriya domin karfafa hulda a tsakanin kasashen biyu.
Jakadan kasar Saudiyya a Nijeriya Faisal Alghamdi ya bada kyautar a madadin kasar Saudiyya yayin wani biki da ya gudana a Abuja.
Da ya ke mika kyautar, shugaban tawagar Nezat Talaqi ya ce kyautar daga mai kula da masallatai masu tsarki guda biyu na Sarki Salman Al-Saud ne.
Rahotanni sun ce, taimakon kwanan nan da hukumar ta yi shi ne na ba mutane dubu 48 da 300 Kwando cike da abinci a jihohin Kano da Yobe da kuma Borno, wanda kiyasin say a kai Dala dubu 500.
Da take karban kayan, daraktar yanki a ma’aikatar kasashen waje Janet Olisa, ta gode wa kasar Saudiyya, inda ta ce ‘yan Nijeriya su na godiya matuka da wannan kyauta.