Ranar ‘Yancin: Sarkin Musulmi Ya Bukaci Gwamnati Ta Inganta Makarantun Tsangaya

Mai al’farmasa Sarkin Musulmi Sa’ad Abubakar na III ya yi kira ga gwamnatin tarayya ta inganta makarantun tsangaya domin ganin an magance matsalolin barace-barace a kan tituna.

Sa’ad Abubakar ya yi wannan kiran ne a lokacin da ya ke gabatar da jawabi a wani taron tunawa da ranar ‘yancin kan Nijeriya da ta gudana a Abuja.

Sarkin Musulmin ya ce ya yi imanin cewa, daya daga cikin matakan da za a bi wajen magance matsalar barace-barace shi ne a inganta makarantun tsangaya.

A karshe ya ce,  a mafi yawan yaran da suke barace-barace a kan tituna ba su damu da karatun da suka je nema ba, kuma Musulunci bai yarda da bara ba.