Site icon Liberty TV/Radio Hausa – Labaru – Tashar 'Yanci!

Karuwar Darajar Naira: Shugaban Ƴan Canji Ya Ce Suna Sayen Dala Daga Gwamnati Kan Naira 980

Alhaji Aminu Gwadabe 1062x598

Alhaji Aminu Gwadabe 1062x598

Ƙungiyar ƴan canji ta Najeriya ta ce ƴan canji sun fara sayan dala ɗaya a kan naira 980 a kasuwar bayan fage sannan su sayar kan naira 1,020.

Shugaban ƙungiyar ta ƙasa, Aminu Gwadabe ne ya tabbatar da haka a hirar sa da manema labarai inda ya ambaci cewa darajar naira ta ƙaru a lokaci kaɗan da ba a taɓa tsammani ba.

Gwadabe ya jinjinawa gwamnati da kuma babban bankin ƙasa kan ƙoƙarin su inda ya ce wannan ne karon farko cikin shekara 15 da farashin dala a kasuwar ƴan chanji ke ƙasa da farashin da ake saidawa a hukumance.

Ya shaida cewa yanzu babu raɗe-raɗin da ake yawan yi da ke zuzuta farashin dala.

Gwadabe ya ƙara da cewa a halin yanzu suna siya daga gwamnati a kan naira 980 sannan su sayar a kan naira 1,020.

Exit mobile version