Home Labaru Guillaume Soro, Zai Shirya Komawa Gida Cote D’ivoire Daga Waje

Guillaume Soro, Zai Shirya Komawa Gida Cote D’ivoire Daga Waje

217
0
Guillaume Soro, Zai Shirya Komawa Gida Cote D'ivoire Daga Waje
Guillaume Soro, Zai Shirya Komawa Gida Cote D'ivoire Daga Waje

Tsohon Madugun ‘yan Tawayen Cote D’Ivoire kuma tsohon Shugaban Majalisar kasar Guillaume Soro da hukumomin kasar ke nema ruwa a jalo, ya ce babu tanttama zai shirya gwagwarmaya domin kawar da Shugaban kasar Alassane Dramane Ouattara daga Faransa.

Guillaume Soro, ya ce tabbas zai tsaya takara a zaben shugabancin Cote D’Ivoire a matsayin jarumi, tare da yin koyi da Janar De Gaulle, mutumin da a wancan lokaci daga London ya kadammar da wani shirin kwato Faransa daga hannun makiya.

Soro dai ya fuskanci fushin hukumomin Cote D’Ivoire da su ka haramta ma shi shiga kasar a lokacin da ya dawo daga balaguro, lamarin da ya tislasa wa jirgin da ke dauke da shi sauka a kasar Ghana kafin daga bisani ya kama hanyar zuwa Turai.

Soro ya bayyana aniyar shi ta tsayawa takarar ne, a cikin wata hirar hadin gwiwa da ta hada shi da kafafen yada labarai na kasar Faransa,

Kimanin shekaru 2 da su ka gabata ne, aka samu baraka tsakanin Soro da shugaba Alassane Ouattara, wanda ake ganin ya na kokarin sake yin wa’adi na 3 a jere.