Hukumar zabe mai zaman kanta ta kasa INEC ta fara gudanar da bita a kan zabukan shekara ta 2019 domin sake inganta shirin ta a wasu zabukan da ke tafe.
Shugaban hukumar Farfesa Mahmood Yakubu ya bayyana haka ga manema labarai, inda ya kara da cewa, hukumar INEC ta fara zaman bitar zaben 2019 a ranar Talatar da ta gabata a Abuja.
Farfesa Yakubu ya ce, ganawar da su ka yi a ranar Talata ita ce ta farko tun bayan kammala zabe, kana kuma ta farko bayan zama da su ka yi domin samun matsaya a kan yadda za’a gudanar da zaben 2019.
Yakubu ya kara da cewa, ya na fatan duk abubuwan da aka tattauna a wajen bitar za su yi wa hukumar amfani domin sake inganta yanayin gudanar da zabuka a Nijeriya.
Bugu da kari, hukumar za ta yi wawaye ta hanyar binciko korafe-korafe da suka shafi irin wannan zaman na shekaru 40 da suka gabata.