Home Labaru Bi-Ta-Da-Kulli: An Fara Binciken Masarautar Kano Kan Cin Hanci Da Rashawa

Bi-Ta-Da-Kulli: An Fara Binciken Masarautar Kano Kan Cin Hanci Da Rashawa

363
0

Rahotanni daga jihar Kano na cewa, jami’an fadar masarautar Kano sun soma gurfana a gaban Hukumar Yaki da Cin Hanci da Rashawa ta jihar Kano, domin bada ba’asi a kan yadda fadar ta kashe kudaden ta tun daga shekara ta 2013 zuwa yau.

Wannan matakin dai ya kara fito da tsamin dangantaka tsakanin gwamnatin jihar da Masarautar Kano.

A farkon makon nan ne gwamnatin jihar Kano ta aika wa masarautar wasikar gayyatar wasu jami’an ta, a ci-gaba da binciken yadda fadar ta kashe kudaden ta.

Wannan dai ya na zuwa ne, kwana guda bayan gwamnatin Kano ta tabbatar da dokar kara yawan masarautu a jihar.